Рускиот претседател Владимир Путин денес го посети островот Итуруп во Курилскиот архипелаг, кој е предмет на територијален спор меѓу Русија и Јапонија, што го натера официјален Токио да реагира.
Патем, ова е прва посета на Путин на Курилските Острови.
Путин пристигна во Итуруп од Јужно-Сахалинск, каде во среда присуствуваше на последната фаза од вежбите на Тихоокеанската флота од ракетниот крстосувач „Варјаг“ , водечкиот брод на руската Тихоокеанска флота.
По вежбите, тој одржа состанок за безбедноста на источните граници на Русија.
Russian state media reported on Thursday that Putin visited Iturup – known in Japan as Etorofu – one of four islands in the Kuril chain that are claimed by both Russia and Japan.
— wretchardthecat (@wretchardthecat) August 13, 2026
Japan's foreign minister Toshimitsu Motegi said the islands are "inherently Japanese territory both…
Во Итуруп, Путин се сретна со гувернерот на Сахалинската област, Валериј Лимаренко, кој го информираше за мерките за поддршка на учесниците во руската воена операција во Украина и нивните семејства, како и за развојот на регионот.
За време на посетата, Путин го разгледа погонот за преработка на риба „Јасни“ и разговараше со локалните жители во Јужно-Сахалинск за, како што објавија руските агенции, временските услови и подготовките на децата за новата учебна година, а се фотографираше и со некои жители.
Јапонија поднесе протестна нота
Итуруп е еден од четирите јужни Курилски Острови на кои Јапонија полага право , а Токио ги нарекува Северни територии.
Long-range sanctions are working. Putin has made it to the Kuril Islands for the first time
— NEXTA (@nexta_tv) August 13, 2026
Apparently, the deeper the strikes reach into Russia, the stronger the Kremlin ruler’s urge to inspect the farthest corners of his domain.
On Iturup, Putin started with the Yasny fish… pic.twitter.com/cfsUhkDgbW
Островите се под советска, а потоа и руска контрола од крајот на Втората светска војна , а територијалниот спор околу нив со децении ги затегнува односите меѓу Русија и Јапонија.
Јапонскиот министер за надворешни работи Тошимицу Мотеги изјави на социјалната мрежа X дека Јапонија „силно протестира“ поради посетата на Путин и оцени дека островите се „по својата природа јапонска територија, и историски и според меѓународното право“.
