Руската државна нуклеарна корпорација „Росатом“ започна со реализација на проект за изградба на флота од пловечки нуклеарни електрани за потребите на Русија, изјави генералниот директор на компанијата, Алексеј Лихачев.
„Сега започнавме со имплементација на уште два проекта во областа на пловечките нуклеарни централи. Еден од нив е создавање енергетска флота за Руската Федерација“, изјави Лихачев за новинарите на маргините на форумот Русија-Африка, пренесува РИА Новости.
Друг проект е поврзан со договорот за изградба на пловечки нуклеарни централи за Индонезија, додаде тој.
Кога станува збор за изградба на пловечки нуклеарни електрани за проекти во Русија, Лихачев рече дека првата од четирите такви единици, кои се градат во Балтичкото бродоградилиште во Санкт Петербург, е во напредна фаза на завршување.
Тие четири блока се потребни за снабдување со електрична енергија на проектот за рударско-преработувачки комплекс Баимски во Чукотка, рече Лихачев.
Третиот самит Русија-Африка и економскиот и хуманитарен форум ќе се одржат во Москва на 28 и 29 октомври.
