Во рускиот напад врз Киев беа повредени 17 лица, а загина 89-годишна жена, објави Укринформ, повикувајќи се на официјален пост на Фејсбук од киевската полиција.
Во нападот се оштетени станбени згради и приватни домови, интернат, продавници, аптека, административни згради, кино, метро станица, канцелариски простори и возила, се вели во соопштението.
Безбедносните сили продолжуваат да ги документираат последиците од нападот и да собираат докази на погодените локации.
Во близина на оштетените локации се поставени мобилни полициски контролни пунктови, каде што граѓаните можат да поднесат пријави и да ја добијат потребната помош.
Истражителите веќе добиле околу 350 пријави од жители во врска со оштетен имот.
„Укринформ“ претходно објави дека руските сили извршиле масовен напад врз Киев користејќи балистички ракети во ноќта меѓу 18 и 19 јули.
Според претседателот Володимир Зеленски, овој напад бил еден од најголемите руски напади со балистички ракети врз украинската престолнина.
