На фотографијата може да се види дека актерот Хадсон Вилијамс има нацртани разни симболи на лицето, вклучувајќи и свастика. Актерот изјавил дека „длабоко жали“ за постапката.
На фотографија што кружи на мрежата X, а која изгледа е направена пред неколку години, актерот е со група пријатели во сина маица со разни цртежи.
Неговото лице е исто така покриено со ознаки нацртани со црн маркер, вклучувајќи и свастика на челото.
Извори блиски до Вилијамс за TMZ изјавија дека фотографијата е направена додека тогашниот 25-годишен канадски актер сè уште бил во средно училиште.
Според нивните тврдења, во тој период тој учествувал во годишна традиција на „кампување“, во која честопати малолетници пиеле и цртале по облеката и телата едни на други како шега.
Исто така, се наведува дека актерот „немал поим“ што му било нацртано на лицето во моментот кога е направена фотографијата, но дека денес смета дека тоа е „целосно непростливо“, дека „длабоко жали“ и дека „ја разбира болката и разочарувањето“ што ги предизвикала фотографијата, нагласувајќи дека не ги поддржува ниту одобрува тие симболи.
Негов пријател изјави за TMZ дека „етикетите не ги одразуваат и никогаш не ги одразувале верувањата, вредностите или карактерот“ на Хадсон Вилијамс.
Вилијамс стекна глобална популарност по објавувањето на серијата „Огнени ривали“, која следи квир хокеарска романса базирана на книгите од авторката Рејчел Рид, во која тој глуми заедно со Конор Стори.
Претходно во емисијата на Енди Коен , тој зборуваше за својата популарност и фактот дека луѓето често го прашуваат и му го нарушуваат приватниот живот.
„Можете да погледнете сè што сум рекол, не ме интересира… Прилично сум смирен во врска со тоа. На скала од 1 до 10, тоа е како 2. Ќе има луѓе кои реагираат бурно, но мене ме интересираат само оние кои имаат здрави реакции и разбирање“, рече актерот.
