Едномоторен авион се урна во близина на аеродромот Сиера Скај Парк во Фресно, Калифорнија , кратко пред 14 часот во саботата. Полицијата веднаш отиде на местото на несреќата, каде што го пронашла авионот во пламен на кејот на реката Сан Хоакин.
Пожарникарите се бореа со пожарот додека огромни облаци од црн чад се креваа над местото на настанот, во очаен обид да го спречат ширењето на пожарот кон блиските домови. Во авионот имало четири лица – две деца и двајца возрасни.
Две деца беа прогласени за мртви на местото на несреќата , додека
возрасните со тешки повреди беа префрлени во болница и се во критична состојба. Службените лица соопштија дека идентитетот на жртвите, како и нивниот меѓусебен однос, засега не се познати.
Падот на авионот накратко предизвика прекин на електричната енергија во областа, но снабдувањето со електрична енергија оттогаш е обновено.
Националниот одбор за безбедност во сообраќајот на САД (NTSB) потврди дека отворил истрага за фаталната авионска несреќа.
Агенцијата објави дека жртвите биле во авион на „Груман Американ Авијација Корп.“ АА-5, со четири седишта и еден мотор. Во објава на социјалните мрежи, членот на Градскиот совет на Фресно, Мајк Карбаси, рече:
– Ова е редок и трагичен настан во северозападен Фресно. Мојата најголема загриженост во овој момент се преживеаните од оваа несреќа.
