Синот на лидерот на Хамас во Газа, Азам Калил ал-Хаја, им подлегна на раните откако беше ранет во израелски напад вчера.
Нападот се случи вчера во населбата Дараџ во градот Газа, при што беа ранети најмалку девет Палестинци. Во два други воздушни напади истиот ден загинаа уште четири лица, вклучувајќи и еден висок полковник во полициските сили во Газа.
Ал-Хаја претходно за Ал Џезира изјави дека неговиот син Азам е „тешко ранет“ во нападот.
„Им велам на окупаторот и на сите што нè слушаат, ние сме народ со праведна кауза. Ниту убивањето на нашите синови ниту маченичката смрт на нашите водачи нема да нè заплашат“, рече ал-Хаја.
Ал-Хаја веќе изгуби три сина во претходните израелски атентати врз него – два во Газа во рунди борби во 2008 и 2014 година, додека третиот беше убиен во израелски напад врз раководството на Хамас во главниот град на Катар, Доха, минатата година.
Вкупно, најмалку 72.619 луѓе се убиени, а 172.484 повредени во Газа од 2023 година. Повеќето од жртвите се деца и жени.
Голем дел од Газа е во урнатини, додека Обединетите нации велат дека условите низ целата територија „остануваат тешки и честопати опасни по живот, додека хуманитарната помош останува ограничена“.
