Таткото на Меган Маркл, Томас Маркл Постариот, беше уапсен во Флорида под сомнение дека поседувал материјал на кој е прикажана сексуална злоупотреба на деца.
Содржината за која станува збор наводно била пронајдена во неговиот дом на Филипините и во магацин во Мексико, објави „Њујорк пост“ , повикувајќи се на извори.
Маркл, 82, беше приведен во Лејкленд, Флорида, каде што престојува во центар за рехабилитација додека се опоравува од ампутација на ногата на која беше подложен во декември 2025 година. Првпат објави Дејли Меил.
Спорниот материјал наводно го пронашол на Филипините неговиот син Томас Маркл помладиот (60), додека пребарувал низ семејните работи за мобилен телефон. Во јули, тој го пријавил својот татко кај властите , откако пронашол, како што опишал, „невероятна количина материјал“ во еден предмет. Според „Сан“, содржината наводно била скриена меѓу семејните сувенири.
Маркл помладиот контактирал со истражителите на ФБИ
Маркл помладиот контактирал со истражителите на ФБИ, кои побарале информации за да се поврзат со истражните органи на Филипините. Тој, исто така, го пријавил случајот во Националниот центар за исчезнати и експлоатирани деца.
Сличен материјал наводно бил пронајден во магацин во Мексико што го изнајмил Томас Маркл постариот. Откако добил пристап до објектот во близина на неговиот поранешен дом во Росарито Бич, „Дејли меил“ го пријавил случајот во ФБИ. Според тие медиуми, во магацинот биле пронајдени и книги и списанија поврзани со сексуална злоупотреба на деца.
Меган Маркл е длабоко потресена од обвинувањата
Меган Маркл , војвотката од Сасекс, изјави дека е длабоко потресена од обвинувањата што се појавија.
– Длабоко сум потресена од веста што се појави во последните 24 часа и моите мисли се со сите деца кои можеби биле повредени – изјави Меган во изјава за „Њујорк пост“.
Томас Маркл постариот жестоко негираше дека поседува таков материјал, нарекувајќи ги обвинувањата „болни лаги“.
Неговата ќерка од неговиот прв брак, Саманта Маркл, за „Дејли меил“ изјави дека обвинувањата против нивниот татко се „неосновани“
