Новата биографија на Џон Ф. Кенеди открива шокантни детали за неговиот брак со Џеки, откривајќи како семејството наводно ја купило да остане за политички амбиции со милиони и ужасни предупредувања.
Според книгата, кога бракот на Кенедиеви бил на работ на распад, таткото на Џон се вмешал во целата приказна и ѝ понудил на Џеки договор што требало да спречи развод.
„Се шепотеа гласини во коридорите на моќта и влијанието – дека г-дин Кенеди ѝ платил на Џеки милион долари за да остане со Џон“, открива Лимер во текст што детално ги истражува бројните љубовни врски на претседателот , и пред и за време на бракот.
Решен по секоја цена да ја заштити политичката иднина на својот син и патот до Белата куќа, патријархот на семејството, Џо Кенеди, наводно директно интервенирал за да го спаси овој брак.
„Без разлика дали тоа навистина се случило или не, таткото на Џек водел долги разговори со Џеки. За него, тоа било прашање од многу поголема важност од пропаднат брак“, напишал Лимер.
Политички амбиции пред љубовта
Иако авторот не прецизирал кога се случила оваа средба, тој наведува дека Џеки сериозно размислувала да го напушти Кенеди пред неговиот избор за претседател во 1960 година – што, според проценката на неговиот татко, би било фатален удар за неговата политичка кариера.
„Стануваше збор за тоа неговиот син да стане претседател на Соединетите Американски Држави, а тој знаеше дека Џек нема да може да го постигне тоа како разведен маж“, нагласува Лимер.

Книгата продолжува велејќи дека Џеки, и покрај бројните наводни афери на нејзиниот сопруг, сепак одлучила да го спаси семејството.
„Таа се помири со продолжувањето на бракот. Беше длабоко заљубена кога се омажи за Џек и беше подготвена целосно да му се посвети. За жал, со текот на времето, нивната врска почна да личи на договорен брак, во кој Џеки совесно ги исполнуваше своите брачни должности. Од друга страна, имаше моменти кога сè изгледаше прекрасно“, напиша тој.
Силни предупредувања и дополнителни гаранции
Овие детали се совпаѓаат со тврдењата во биографијата од 2014 година „Жаклин Кенеди Оназис: Живот надвор од нејзините најлуди соништа“, во која се вели дека свекорот отворено ја предупредил снаата да се повлече од разводот.
„Како разведена католичка, се соочуваш со опасност. Ти советувам да го тргнеш од глава разводот“, наводно ѝ рекол Џо Кенеди.

Авторите на таа биографија, Данфорт Принс и Дарвин Портер, одат чекор понатаму, тврдејќи дека Џеки обезбедила дополнителна финансиска гаранција – надомест од дури 20 милиони долари во случај нејзиниот сопруг да ѝ пренесе сексуално пренослива болест.
„Таа воопшто не беше среќна во бракот со Џон Ф. Кенеди. Се согласи да остане со него само под услов неговите афери да не станат јавни, но тој постојано ја понижуваше. Нивната брачна среќа – исто како и целата бајка за модерниот Камелот – беше само мит“, заклучуваат Принс и Портер.
