Финскиот претседател Александар Стуб изјави дека не верува оти Русија би ризикувала да нападне земја членка на НАТО, нарекувајќи ги предупредувањата дека Москва би можела да биде способна да нападне територија на алијансата до 2029 година шпекулативни.
Во интервју за германскиот весник „Билд“, Стуб рече дека не гледа докази или податоци што го поддржуваат таквото сценарио.
Според него, Русија нема да има интерес да се соочи со „најмоќниот воен сојуз во светот“.
Сепак, финскиот претседател нагласи дека сојузниците не треба да ја намалуваат својата будност и треба да бидат подготвени за најлошото сценарио, со цел да го спречат тоа.
Стаб рече дека неговата проценка се базира на разузнавачки податоци и одбранбената моќ на НАТО, наведувајќи ги конвенционалните сили на алијансата, ракетите и нуклеарното оружје.
Тој, исто така, изрази скептицизам во врска со можноста Русија да употреби нуклеарно оружје во Украина.
Според него, за време на разговор со кинескиот министер за надворешни работи, вториот изјавил дека Кина нема да дозволи таков развој на настаните.
Стаб тврдеше дека дел од информациската стратегија на Русија има за цел да шири страв во Европа, поттикнувајќи дебати за можноста за ескалација на војната, употреба на нуклеарно оружје или директен напад врз НАТО.
