Принцот Хари наводно работи на филм за неговата мајка, принцезата Дајана, додека британските медиуми објавуваат дека принцот Вилијам е фрустриран од проектот.
„Дејли меил“ објави дека војводата од Сасекс, 41-годишниот принц Хари, по враќањето во Обединетото Кралство, наводно се посветил на проект за принцезата Дајана. Ричард Кеј, главен уредник на „Дејли меил“, тврди дека Хари контактира со пријатели и други луѓе кои ја познавале неговата мајка и ги моли да придонесат за филмот.
Проектот ќе привлече голем дел од вниманието во следните 12 месеци и предизвика голема фрустрација кај принцот Вилијам, 44-годишниот принц од Велс. Тој потсети дека последниот пат кога браќата биле вистински сплотени бил во 2017 година, кога работеле заедно на документарниот филм „Дијана, нашата мајка: Нејзиниот живот и наследство“.
Зборувајќи за причините за незадоволството на Вилијам, Кеј рече: „Таа беше мајка на две момчиња. Вилијам е син на неговата мајка исто колку што е и Хари, а Хари се обиде да го присвои наследството на Дијана за себе.“
Тој исто така додаде дека принцот од Велс не зборува постојано за својата мајка, иако јавно ја споменал во неколку наврати.
