Царинската управа спречи обид за нелегална трговија со дрога преку поштенски пратки што пристигнуваа од Франција.
Пакетот бил наменет за американски државјанин и бил скриен во кутии со ДВД и ЦД.
При проверката со скенер, откриена е сомнителна содржина, по што била вклучена и царинска екипа со кучиња трагачи.
Пронајдени се метамфетамин, МДМА и кокаин во различни количини. По наредба на обвинителството, лицето е уапсено додека го примало пакетот.
При претресот на неговиот дом, пронајдени се и други сомнителни супстанции и предмети поврзани со употреба на дрога. Случајот е предаден на обвинителството за понатамошна постапка.
