Експериментален швајцарски авион, кој лета исклучиво на сончева енергија, постави светски рекорд достигнувајќи висина од 9.640 метри.
Достигнувањето беше постигнато преку проектот SolarStratos, предводен од швајцарскиот истражувач и пилот Рафаел Домјан.
Историскиот лет се случи во август 2025 година, од аеродромот Сион, во кантонот Вале, Швајцарија.
Авионот, означен како HB-SXA, останал во воздух 5 часа и 9 минути, користејќи енергија произведена од соларни панели и природни воздушни струи во Швајцарските Алпи.
Рекордот беше официјално потврден во октомври 2026 година од страна на Меѓународната воздухопловна федерација (FAI), по верификација на податоците од летот.
Конечната надморска височина од 9.640 метри беше поголема од првичната проценка од 9.521 метар објавена веднаш по летот, пишува Swissinfo , пренесува Telegraph.
Со ова достигнување, „СоларСтратос“ го сруши претходниот рекорд од 9.235 метри, поставен во 2010 година од друг швајцарски проект, „Солар Импулс“, предводен од Бертран Пикард.
FAI призна вкупно три светски рекорди за проектот SolarStratos: најголема надморска височина достигната од авион на соларна енергија, највисоко искачување на надморска височина во оваа категорија и рекорд за надморска височина за електрични авиони во соодветната категорија.
Покрај ова достигнување, Рафаел Домјан беше одликуван и со медалот „Луј Блериот“ од страна на FAI, награда востановена во 1936 година за признавање на извонредни достигнувања во воздухопловството. Медалот му беше врачен на швајцарскиот пилот на 14 октомври 2026 година во Лозана.
Проектот „СоларСтратос“ беше лансиран во 2015 година и има за цел да докаже дека авијацијата може да се развива без употреба на фосилни горива.
Крајната цел на тимот е да стигне до стратосферата со пилотиран авион напојуван исклучиво од сончева енергија.
Според проектниот тим, новиот рекорд и трите меѓународни сертификати претставуваат важен чекор кон постигнување на оваа цел, отворајќи нови перспективи за користење на чиста енергија во воздухопловството
