Претставници на американската влада и Украина наскоро ќе започнат разговори за планот на САД за прекин на војната во Украина. Ова го објави украинското преговарачко тело
Според Киев, „во наредните денови“ претставници на САД и Украина ќе одржат консултации за швајцарско-американскиот предлог за прекин на војната.
Шефот на украинскиот Совет за национална безбедност, Рустем Умеров, напиша на Телеграм дека ќе се одржат разговори меѓу високи претставници на двете земји за „можни точки од иден мировен договор“.
Го цениме учеството на американската страна и нивната подготвеност за суштински разговори – напиша Умеров .
Во претходната верзија на неговото соопштение, беше споменато и вклучувањето на европските партнери, но Умеров подоцна го промени тој дел без објаснување.
