Најмасовното Светско првенство во историјата ќе трае од 11 јуни до 19 јули, во кое за прв пат ќе има дури 12 групи, од кои двете најдобри репрезентации од секоја група ќе се пласираат во осминафиналето, заедно со осумте најдобри третопласирани екипи.
Меѓу гостите на ждрепката во Вашингтон беше и американскиот претседател Доналд Трамп со сопругата Меланија Трамп , која целосно го засени својот сопруг.
Меланија блескаше во елегантен црн ансамбл, додека Трамп носеше сино одело, со крпеница на раката што привлекуваше внимание.
Неочекувано, Трамп беше прогласен за прв добитник на новата Награда за мир на ФИФА. Тој на сцената рече: „Ова е голема чест. Спасивме милиони и милиони животи… Благодарност до моето семејство, до мојата прекрасна прва дама Меланија.“
ФИФА соопшти дека наградата се доделува за извонредни акции за мир, иако не објави јасни критериуми или номинации. Според претседателот на организацијата, Џани Инфантино, наградата е доделена во име на навивачите од целиот свет.
