Актуелниот геополитички момент е исклучително поволен за проширувањето на Европската Унија, но оваа историска можност мора веднаш да се искористи бидејќи светот се менува брзо, вели францускиот амбасадор во земјава, Кристоф Ле Риголје, за „Радио Слободна Европа“, пофалувајќи ја подготвеноста на Македонија за почеток на преговорите.
Според него, централната фаза за отворање на првите и најважни поглавја наречени „Фундаментални вредности“ е отворањето на уставните амандмани, точно како што е предвидено во преговарачката рамка, а кога станува збор за односите со Бугарија, тој прави разлика помеѓу европскиот процес и билатералните прашања.
Ле Риголје рече дека патот на земјата кон европска интеграција неизбежно поминува низ усвојување на уставните амандмани, а дијалогот меѓу Скопје и Софија, како што рече, не треба да служи за повторно преговарање за европскиот компромис од 2022 година, туку исклучиво за враќање на изгубената доверба.
Амбасадорот проценува дека сегашната влада има големо мнозинство во Собранието и дека може релативно лесно да ги спроведе уставните измени, бидејќи со оваа акција земјата конечно би излегла од сегашниот ќорсокак и би наметнала нова позитивна динамика на нејзиниот пат кон европската интеграција, што воедно би го подигнало и односот на Унијата со земјата на повисоко ниво.
„Веруваме дека уставните измени ќе бидат лесно имплементирани и тоа е наш интерес. Со усвојување на уставните измени, Северна Македонија ќе создаде динамика. Динамика по свој пат. Уставните измени ќе бидат одобрени за реформи и ќе се постигне голем напредок и со право можеме да сметаме дека потребните документи за отворање на првите поглавја се подготвени и се подготвени за одобрување и ќе започне вистинска нова динамика. Денес сме во динамика што не постои, бидејќи процесот е запрен и би сакале процесот повторно да започне. А кога ќе започне, тогаш динамиката и односите во рамките на ЕУ ќе бидат различни“, оценува Риголер.
