Иран планира да наплаќа за премин низ Ормутскиот теснец и да забрани влез на бродови од САД и ЕУ, што дополнително ги зголемува тензиите со Вашингтон и ги загрозува глобалните енергетски текови.
Безбедносниот комитет на иранскиот парламент одобри нацрт- закон со кој се воведува систем на патарини за премин низ Ормутскиот теснец и се предлага ограничување на пристапот за бродови поврзани со земјите што воведоа санкции против Иран.
Предлогот ќе биде доставен за дискусија и гласање во парламентот, изјави членот на одборот Моџтаба Сари за новинската агенција ФАРС.
Преминувањето ќе биде забрането и за бродовите од ЕУ
Според нацрт-документот, на бродовите од САД, Израел и земјите што воведоа санкции против Иран во последниве години ќе им биде забрането да минуваат низ стратешкиот воден пат. Според Сари, опфатени ќе бидат и бродовите од Европската Унија .
Преминот ќе се наплаќа во иранската национална валута , ријалот , објави ФАРС, во потег насочен кон зајакнување на валутата и заобиколување на американските санкции , а воедно и давање на државата целосна контрола врз финансиските текови.
Понатамошна ескалација
Овој потег сигнализира понатамошна ескалација со Вашингтон .
Американскиот претседател Доналд Трамп побара Техеран целосно да го отвори теснецот, клучен пат за глобални испораки на енергија, и се закани со драстични последици ако тоа не го стори.
