Американскиот претседател Доналд Трамп синоќа изјави дека францускиот претседател Емануел Макрон, за кого рече дека бил злоставуван од неговата сопруга, одбил да испрати француски бродови да им помогнат на САД да го отворат Ормутскиот теснец во Персискиот Залив.
Во своето обраќање до американската нација од Белата куќа, Трамп повторно го нападна Макрон, а го спомена и ударот што Брижит Макрон му го зададе на францускиот претседател кога тој слезе од авионот на церемонијален пречек , во мај минатата година за време на турнејата низ Југоисточна Азија, јавува француската телевизија BFM.
– Неговата сопруга се однесува многу лошо со него, едвај се опорави од десниот удар што го доби во вилицата – рече Трамп.
Trump mocks Macron again:
— Clash Report (@clashreport) April 1, 2026
I called up France, Macron, whose wife treats him extremely badly and he’s still recovering from the right to the jaw. pic.twitter.com/bEJgfKaVRg
Американскиот претседател изјави дека за време на телефонскиот разговор со Макрон, побарал од Франција помош за освојување на Ормутскиот теснец, каде што Иран го блокирал морскиот сообраќај.
– Емануел, би сакале да имаме помош во Заливот, дури и ако ги срушиме сите рекорди, ги елиминираме лошите момци и ги уништиме балистичките ракети… Дали би можеле веднаш да испратите воени бродови – рече Трамп, зборувајќи за текот на разговорот со Макрон.
Според него, Макрон одбил , велејќи му дека Франција може да испрати бродови „кога ќе се добие војната“.
Трамп рече дека не го прифатил добро ова одбивање и дека одговорил „не, не, не ми требаат кога ќе заврши војната, Емануел“.
Вчера, Макрон повтори дека Франција „не била консултирана“ за започнување војна од страна на Соединетите Американски Држави и Израел против Иран и дека „не учествува“ во неа.
