Шери Вандерслут стана вирална кога призна дека направила естетска корекција затоа што не сакала нејзините идни деца да го наследат нејзиниот природен нос и да поминат низ исмејувањето што го доживеала како дете.
Нејзината изјава предизвика бурни реакции и ги подели мислењата на корисниците на интернет.
Додека некои веруваат дека нејзината одлука е сосема погрешна бидејќи генетските особини не се менуваат со козметички процедури, други веруваат дека нејзината намера била да ги заштити своите деца од исмејувањето и непријатноста што самата ја доживеала.
Недостаток на самодоверба
Во едно интервју, Шери изјавила дека уште од дете била мета на задевање поради изгледот на носот, што оставило голем белег врз нејзината самодоверба и начинот на кој се гледа себеси.
– Не сакав моите деца да поминат низ истото – рекла таа, објаснувајќи дека нејзината цел е да им овозможи да растат без навредите и несигурностите што ја следеле со години.
Хируршката интервенција не може да ја промени генетиката
Нејзиното признание набрзо се прошири на интернет и предизвика голем број коментари . Некои ја поддржаа и признаа дека разбираат како траумата од детството може да влијае на една личност, додека други ги критикуваа нејзините ставови и истакнаа дека операцијата не може да ја промени генетиката.
Многумина веруваат дека ваквите изјави дополнително го зголемуваат притисокот врз современите стандарди за убавина и испраќаат порака дека природниот изглед не е доволно добар. Од друга страна, некои корисници на социјалните мрежи нагласија дека проблемот не е во физичкиот изглед, туку во општеството кое ги оценува и исмејува луѓето врз основа на нивните карактеристики.
Целата приказна отвори поширока дискусија за естетските интервенции, несигурноста и последиците од насилството меѓу врсниците. За многумина, ова не е само приказна за операција на нос, туку пример за тоа како коментарите и навредите од детството можат да остават траен впечаток врз самодовербата и животот на една личност.
