Владејачката коалиција во Германија планира да воведе нов данок на пластична амбалажа, според кој компаниите би плаќале 550 евра по тон пластика содржана во амбалажата од јули 2027 година и со тоа би придонесувале 1,5 милијарди евра во федералниот буџет годишно.
Данокот би опфаќал, меѓу другото, пластична амбалажа, фолии, затворачи, капаци и пластични капсули, објавува „Шпигел“.
Повеќеслојното или комбинираното пакување исто така би се оданочило ако нивното учество во пластиката надминува пет проценти.
Според нацрт-законот, давачката би се наплаќала кога амбалажата се произведува, увезува или внесува во Германија.
Целта на новата давачка е да ги охрабри компаниите да ја намалат употребата на пластика, но во исто време треба да донесе дополнителни приходи во германскиот федерален буџет.
Коалицијата проценува дека даночните приходи во втората половина на 2027 година би изнесувале околу 805 милиони евра, додека од 2028 година годишните приходи треба да достигнат речиси 1,5 милијарди евра.
Според податоците на германската влада, само во 2023 година, во земјата се генерирани околу три милиони тони отпад од пластична амбалажа.
