Социјалната мрежа Фејсбук воведува нова функција базирана на вештачка интелигенција која им овозможува на корисниците со свои зборови да одредат каква содржина сакаат да гледаат почесто, а каква поретко во објавите и видеата.
Новата опција „Вашиот алгоритам“ им овозможува на корисниците директно да влијаат на алгоритмот што препорачува содржина, наместо целосно да се потпираат на автоматските препораки на платформата, објави „Мета“ .
Корисниците можат да ги опишат своите интереси и преференции на едноставен јазик, а промените се одразуваат во препорачаната содржина во реално време.
Полесно прилагодување на прикажаната содржина
Во исто време, Мета го подобри менито што се отвора со кликнување на трите точки до објавата , за да им се олесни на корисниците да ги прилагодат своите преференции.
Во тоа мени, тие можат да пристапат до опцијата „Вашиот алгоритам“ или да означат дали им се допаѓа одредена содржина или не.
Платформата може да постави и дополнителни прашања за подобро да разбере што корисникот сака да гледа почесто, а што поретко.
Мета им дава на корисниците поголема контрола
Воведувањето на новата функција е дел од поширокиот напор на „Мета“ да им даде на корисниците поголема контрола врз содржината што ја гледаат, според компанијата со седиште во Менло Парк.
