Американскиот актер Бен Афлек отворено проговори за својот сексуален живот, за кој вели дека повеќе не постои.
Во новата епизода од серијата „Subway Takes“, актерот зборуваше за книгата „Секс за незнајковци“.
Кога водителот забележа дека младите луѓе денес ретко имаат секс, Афлек одговори: „Јас сум доста стар. Имав секс во свое време“.
Кога директно го прашале дали тоа значи дека повеќе воопшто нема секс, актерот без двоумење рекол: „Не, затоа што сега сум уморен. А сексот е многу работа, особено ако сакате да го правите како што треба.“
По разводите од актерката Џенифер Гарнер и пејачката Џенифер Лопез, Афлек наводно има повнимателен пристап кон излегувањата. Актерот повеќе не сака низа површни врски, туку бара сериозна врска што има иднина надвор од почетната заљубеност.
„Бен вели дека се обидува да се подобри, а тоа вклучува и многу внимателно избирање на луѓето со кои излегува. Поради тоа, тој поминува многу повеќе време сам“, изјавил извор близок до актерот.
Апликациите за запознавање повеќе не се опција за Афлек по едно непријатно искуство, а освен тоа, тој има високи критериуми и не се задоволува со ништо.
Афлек се снаоѓа добро во својот самечки живот, а неодамна изјави дека не е активно во потрага по нов партнер. Врската во моментов не му е приоритет, а секојдневниот живот не му остава многу време за состанување. Покрај проектите на кои работи како актер, продуцент и режисер, тој е посветен и на своето семејство.
