Швајцарските синдикати се поделени околу тоа како да се финансира 13-тата пензија, која ќе биде предмет на гласање на 29 ноември.
Синдикатот на јавните служби (SSP) се спротивставува на зголемувањето на ДДВ за 0,4 процентни поени, тврдејќи дека пензиското осигурување AVS има резерви од околу 60 милијарди франци и дека дополнителната пензија треба да се финансира преку социјални придонеси.
Од друга страна, Швајцарската конфедерација на синдикати (USS) го поддржува зголемувањето на ДДВ, откако Парламентот го одобри ова решение за да се избегне дефицитот во финансирањето на пензиите, пишува Swissinfo , пренесува Telegraph.
Според претседателот на „УСС“, Пјер-Ив Мајард, зголемувањето би чинело околу 7 до 10 франци месечно по лице.
ССП смета дека оваа мерка е неправедна од социјална гледна точка, бидејќи товарот паѓа и врз пензионерите.
Во меѓувреме, предлогот предвидува дека стандардната стапка на ДДВ ќе се зголеми од 8,1% на 8,5%, додека основните производи, вклучувајќи ја храната и лековите, нема да бидат засегнати од зголемувањето.
