Бесплатната храна за лица со екстремна прекумерна тежина беше реалност за Алекс Аспасија од Мајами, Флорида. Ресторанот „Heart Attack Grill“ во Лас Вегас нудеше бесплатни оброци за луѓе кои тежеа повеќе од 160 килограми.
Моделот тежел околу 172 килограми , па можел да ужива во огромни бургери, помфрит и млечни шејкови. Сепак, оваа година нејзиниот омилен ресторан ги затвори вратите по 21 година работење.
– Порциите биле огромни. Бургер со помфрит и млечен шејк лесно можел да има над 3000 калории. Со некои поголеми бургери, таа бројка била уште значително поголема – вели Алекс, која проценува дека благодарение на ресторанот, заштедила најмалку 1000 долари годишно.
За време на нејзината последна посета, моделот се измери на огромна вага пред ресторанот за да се збогува со своето омилено место на посебен начин.
Екранот покажа 167 килограми , а снимката од нејзиното мерење го привлече вниманието на стотици илјади луѓе на интернет. Додека некои ја поддржаа, други не го делеа нејзиниот ентузијазам. „Ова навистина не е нешто со што треба да се биде горд“, напиша еден коментатор.
Ресторанот е мета на критики со години
Ресторанот „Heart Attack Grill“ со години е мета на критики за тоа што екстремната дебелина и здравствените проблеми ги претворил во атракција. Според медиумите, неколку гости, па дури и вработени во ресторанот, доживеале срцев удар. Сопственикот, Џон Басо, одлучил во мај оваа година да не го продолжува договорот за закуп, меѓу другите причини, поради зголемените трошоци.
Сепак, Алекс се соочува со критики и надвор од ресторанот. Таа тврди дека со зголемената популарност на инјекциите за слабеење, се зголемил и бројот на луѓе што ја убедуваат да ги проба.
– Секој ден добивам пораки од луѓе кои ме поттикнуваат да ги земам. Дури и познаници кои ослабеле благодарение на нив ми ги препорачуваат. Сепак, јас одбивам – рекла таа.
