Францускиот претседател Емануел Макрон и неговата сопруга Брижит повторно ја тужеа американската инфлуенсерка Кендис Овенс за наводна клевета, потврди денес претседателскиот кабинет.
Макронови тврдат во нова тужба дека подкастерот користел кукла со ликот на Брижит Макрон за да се потсмева на нејзиниот изглед, според извадоци од судската тужба, објави Ројтерс.
Парот Макрон ги тужеше Овенс и две компании поврзани со неа во јули 2025 година во суд во Делавер за „кампања за глобално понижување“ и тврдења дека Брижит Макрон е родена како маж.
Минатиот месец, судија во Делавер пресуди дека нема надлежност над Овенс бидејќи таа живее во Тенеси и рече дека Макронови можат да ги тужат компаниите што ги поседува, но не и неа како поединец.
