„Open AI“ објави дека тајно поднела барање за јавна понуда на акции (IPO) со потенцијална вредност до трилион долари.
Законот за хартии од вредност во Соединетите Американски Држави им дозволува на компаниите да поднесат нацрт-апликација за IPO во доверлива форма.
Ова значи дека јавноста, конкурентите и медиумите не можат да ги видат нивните детални финансиски извештаи, трговски тајни и проценки на ризикот сè додека не се приближи датумот на IPO.
OpenAI сепак одлучи да ги објави информациите, бидејќи очекува тие сепак да протечат во медиумите. Менаџментот забележа дека точниот термин на IPO сè уште не е утврден, а Ројтерс објави дека тоа би можело да се случи во септември.
Open AI, исто така, објави опширна филозофска изјава за својата мисија, визија за развој на вештачка општа интелигенција (AGI) и верување дека технологијата мора да му служи на целото човештво.
Компанијата собра 122 милијарди долари во најголемата рунда на финансирање во историјата на Силиконската долина кон крајот на март, но проценките покажуваат дека планира да потроши иста сума само за истражувачка компјутерска моќ во 2028 година, објави Tech Crunch.
Проекциите сугерираат дека компанијата ќе забележи загуба од 85 милијарди долари таа година и покрај удвојувањето на продажбата, што значи дека Open AI сега бара од инвеститорите на јавниот пазар да купат акции за да поддржат бизнис кој нема да биде профитабилен најмалку четири години.
