Австралиската телевизиска репортерка 7News, Савана Бурк, известувала во живо за сомнителен пакет, но гледачите биле повеќе заинтересирани за нејзините екстремно мускулести раце отколку за самата вест, пренесува LADbible.
Бурк известуваше од Маручидор во вторник, 17 ноември. Сомнителен пакет беше примен во полициската станица таму кратко по пладне. Околу Парадата на корнмил беше поставена зона без пристап, а стотици работници беа евакуирани од блиските згради.
Полицијата ја повикала противпожарната служба и специјална екипа, кои го провериле пакетот за делови од експлозивна направа. Се покажало дека станува збор за лажна тревога.
Џеси Кармајкл, вршител на должноста командант на противпожарната станица, за 7News изјави дека службите за итни случаи „не смеат да бидат опуштени“.
Клип од објавата што 7News ја објави на Инстаграм има околу 14 милиони прегледи и стотици илјади лајкови. Во коментарите, корисниците претежно ги пофалија бицепсите на новинарот.
Како што претходно објави news.com.au, Бурк прво се занимавала со гимнастика и тренирала до 30 часа неделно. Потоа се префрлила на кревање тегови и бодибилдинг, а сега работи како онлајн фитнес тренер. Медиумите ја нарекоа „најфит новинар во Австралија“.
