Анџелина Џоли пристигна на граничниот премин Рафах помеѓу Појасот Газа и Египет за да ги посети хуманитарните засолништа лоцирани на овој премин и да ја посети болницата Ел Ариш и нејзините пациенти.
Џоли пристигна во придружба на делегација од Стејт департментот, генерал-мајор д-р Халед Могавер и амбасадорката Набила Макрам.
Актерката потврди дека нејзината посета на преминот Рафах следела како дел од активностите за преглед на хуманитарната состојба и механизмите за доставување помош во Појасот Газа.
Џоли ја изрази потребата од што е можно поскоро доставување поголема помош во Газа, каде што населението се соочува со тешки страдања и хуманитарна трагедија, објави списанието „Египет тудеј“.
Генерал-мајор д-р Халед Могавер изјави дека копнениот премин Рафа е отворен од египетска страна и не е затворен од 7 јануари 2023 година, истакнувајќи дека Израел го затворил преминот од своја страна.
Тој, исто така, истакна дека сите египетски власти се во целосна готовност за да примат палестински ранети и пациенти на лекување во египетските болници.
Посетата доаѓа во услови на постојана загриженост за условите во Газа и како потврда за поддршката на напорите на Египет да ги прими ранетите и да обезбеди потребна медицинска помош.
