Рафинеријата за нафта во Волгоград целосно престана со преработка на сурова нафта, по масовниот напад со беспилотни летала на 2 октомври.
Рафинеријата, која е во сопственост на руската компанија Лукоил, има капацитет за преработка на околу 14 милиони тони нафта годишно, што претставува приближно 5 проценти од вкупниот капацитет за рафинирање на нафта во Русија.
Според извори на Ројтерс, работењето на објектот е прекинато по нападот, кој предизвика штета на рафинеријата.
Прекинот на преработката во една од главните руски рафинерии доаѓа во време кога нападите со беспилотни летала врз руската енергетска инфраструктура се интензивираа.
Рафинеријата во Волгоград е еден од клучните капацитети на Лукоил и игра важна улога во снабдувањето на рускиот пазар со нафтени производи.
Инаку, Русија ја започна својата инвазија врз украинската држава на 24 февруари 2022 година.
