Европската Унија разгледува нова тактика на санкционирање на Русија, што подразбира мали, трајни и конкретни мерки, наместо да се потпира исклучиво на големи пакети рестриктивни мерки.
Шефицата на европската дипломатија, Каја Калас, истакна дека паралелно се подготвува 20-тиот пакет санкции, додека се дискутира за континуирани акции, особено насочени кон руската флота, која се обидува да ги заобиколи постојните ограничувања.
– Потребно е постојано да се врши притисок врз Русија со санкции – рече Калас, додавајќи дека слични мерки веќе покажале ефект врз извозот на руска сурова нафта.
19-тиот пакет санкции стапи на сила во октомври, фокусиран на намалување на приходите на Русија од гас и нафта, а целосна забрана за увоз на течен природен гас од Русија е планирана за 2027 година – една година порано од првично планираното.
Калас нагласи дека целта на ЕУ не е само голем пакет, туку и агилност во воведувањето помали, целни мерки, така што санкциите ќе делуваат континуирано и ефикасно.
