Ако често се будите со надуеност и чувство на „тежок стомак“, причината можеби не е количината на храна, туку нејзиниот избор.
Експертите предупредуваат дека дигестивниот систем се забавува навечер, па затоа одредени видови храна можат да предизвикаат гасови, ферментација и задржување на течности во текот на ноќта.
Токму затоа некои навидум здрави намирници можат да бидат лош избор за вечера.
Мешунки (грав, леќа, наут)
Мешунките се богати со растителни влакна и протеини, но содржат и сложени шеќери кои телото тешко ги вари. Кога ќе стигнат до дебелото црево, бактериите ги разградуваат и создаваат гасови, што доведува до надуеност, особено навечер.
Зелка (брокула, карфиол, зелка)
Овој зеленчук содржи рафиноза – вид шеќер што предизвикува зголемено формирање на гасови за време на варењето. Иако е исклучително здрава, оваа храна може да биде „тешка“ за желудникот ако се јаде навечер.
Млечни производи (млеко, сирење, сладолед)
Многу луѓе имаат блага нетолеранција на лактоза, дури и ако не се свесни за тоа. Навечер, кога варењето се забавува, млечните производи можат да предизвикаат гасови, надуеност и чувство на тежина.
Што се случува ноќе?
Во текот на вечерта, метаболизмот и варењето природно се забавуваат. Тешката и „проблематична“ храна останува подолго во желудникот, ферментира и создава гасови, што доведува до надуеност и полош сон.
