Дипломецот од средно училиште, кој не поседува автомобил, вели дека работи долги часови и во двојни смени за да ги покрие основните трошоци за живот, а воедно се обидува да заштеди за факултет.
Луѓе од целиот свет поддржуваат матурант од Бемиџи, Минесота, кој неодамна завршил средно училиште без семејство или дом. Мигел Шмербек го снимил тој важен животен момент во трогателно видео што го објавил на TikTok , кое стана вирално со повеќе од 30 милиони прегледи и 6 милиони лајкови.
„Немав никој“
„Сите имаа некој што ги чекаше откако ќе се симнеа од сцената. Јас немав никој“, напиша Шмербек. „Мајка ми почина. Татко ми е отсутен. Немам браќа или сестри, баби и дедовци. Само јас сум, стојам во соба полна со прослави и се обидувам да не се распаднам.“
@ifgodprovides Everybody had someone waiting for them after they crossed that stage. I had nobody. Deceased mother. Absent father. No brothers. No grandparents Just me, standing in a room full of celebrations trying not to fall apart.#fypシ #graduate #foryoupage ♬ original sound – audios
„Најтешкиот дел не беше самото дипломирање“, додаде тој. „Беше тешко да се гледаат сите други како слават со луѓето што дојдоа по нив.“
И потоа TikTok го направи своето… Луѓето масовно пишуваа во коментарите дека се горди на него, објавуваа селфиња од своите семејства и му пишуваа дека сега тие се негово семејство.
Тешка животна приказна
Мајката на Шмербек починала кога тој имал 13 години , а претходно во своите објави го опишал и искуството со бездомништво на 17-годишна возраст. „Во моментов спијам на туѓи каучи и се обидувам да си дадам стабилност“, напишал тој на страницата GoFundMe, која ја започнал откако неговите следбеници на TikTok го прашале како можат да помогнат.
Шмербек, кој не поседува автомобил, вели дека работи долги часови и во двојни смени за да ги покрие основните трошоци за живот, додека се обидува да заштеди за факултет. „Мојата цел не е само да го преживеам денот, туку да изградам живот на кој ќе бидам горд“, истакна тој.
Кампањата за собирање средства собра повеќе од 50.000 долари. Шмербек рече дека парите ќе му помогнат да плати за сместување, превоз, храна, факултет, трошоци поврзани со работата и други трошоци додека работи на изградба на стабилна основа за живот.
За оние кои не се во можност да донираат, тој рече дека пораките за поддршка значат „исто толку“ и за него.
„Поддршката што ја добив ми покажа дека постојат луѓе кои се подготвени да помогнат на некого што никогаш не го запознале и никогаш нема да го заборавам тоа“, напиша тој. „Ви благодарам што верувавте во мене и што ми помогнавте да го направам следниот чекор.“
