Вршителот на должноста шеф на полицијата во Вашингтон, Џефри Керол, денес изјави дека човекот кој отворил оган на контролниот пункт на Тајната служба во хотелот Хилтон во тој град, каде што се одржувала вечерата на Здружението на дописници од Белата куќа на која присуствувал американскиот претседател Доналд Трамп, имал неколку оружја.
Керол изјави дека напаѓачот бил гостин во хотелот каде што се одржувал настанот, објави Би-Би-Си.
„Тој беше вооружен со пушка, пиштол и неколку ножеви. Додека трчаше низ тој контролен пункт, членови на Тајната служба на Соединетите Американски Држави го пресретнаа тоа лице“, рече Керол.
Тој додаде дека осомничениот и полицијата „размениле оган“ и дека се верува дека напаѓачот бил „самен“ стрелец.
Керол рече дека видео снимките од другата страна на хотелот ќе бидат прегледани за да се утврди како вооружениот маж влегол во контролниот пункт.
Мажот осомничен за отворање оган на вечерата на Здружението на дописници од Белата куќа е идентификуван од полицијата како Кол Томас Ален, 31, кој живее во предградието на Лос Анџелес, Калифорнија, изјавија за Си-Ен-Ен два извори запознаени со истрагата.
Напаѓачот, 31-годишниот Кол Томас Ален, професор и дипломиран на Калтех од Калифорнија, беше уапсен.
Профил на LinkedIn што се совпаѓа со неговото име и фотографија го опишува како наставник со скратено работно време во C2 Education, компанија за подготовка за тестови и туторство.
Според неговиот профил на LinkedIn, Ален дипломирал на Калифорнискиот институт за технологија во 2017 година со диплома за машински инженеринг, а минатата година магистрирал по компјутерски науки на Калифорнискиот државен универзитет – Домингез Хилс.
Ален донираше 25 долари за претседателската кампања на Камала Харис во октомври 2024 година, според евиденцијата на Федералната изборна комисија.
