Слаткарските мајстори тврдат дека шербетот е тој што ја прави разликата помеѓу обичен и супериорен десерт.
Кога е добро сварено, мирисот на сладок сируп ја исполнува целата куќа, баклавата станува златна, а залакот се топи штом ќе го допре непцето. Тоа е повеќе од готвење, мал ритуал што буди спомени и ја носи таа топлина на домашната трпеза.
Состојки:
500 г шеќер,
300 мл вода,
сок и неколку парчиња лимон,
една лажица мед (по желба),
неколку каранфилчиња или малку кора од портокал за мирис
Подготовка:
Во тенџере истурете шеќер и вода, а потоа гответе на умерена температура. Додадете го лимонот и зачините и оставете да крчка на тивок оган 10-15 минути, додека сирупот не се згусне. Тргнете од оган и целосно изладете.
Најдобриот трик е да комбинирате различни температури, или да сипете топла баклава со ладен шербет, или обратно. Така се постигнува совршена текстура и сладост, која рамномерно се продира во секој слој.
Малите промени додаваат личен печат, но едно нешто останува клучно, добриот прелив мора да биде густ, сјаен и рамномерно распределен за баклавата да блесне во својот полн сјај.
