Израелските одбранбени сили (ИДФ) објавија дека
го уништиле подземниот бункер на убиениот ирански врховен лидер, ајатолахот Али Хамнеи,
во Техеран. Како што тврдат, бункерот сè уште го користеле високи ирански функционери.
Израелските одбранбени сили соопштија дека околу 50 израелски воени авиони фрлиле околу 100 бомби врз целта, за која тврдат дека се наоѓала под „комплексот на лидери“ на Иран во Техеран . Според Израелските одбранбени сили, целта се протегала низ повеќе улици и вклучувала „многу влезни точки и простории за состаноци за високи членови на терористичкиот режим на Иран“.
„Под комплексот беше изграден подземен бункер и претставуваше безбедно средство за итно војување, кое беше елиминирано пред да може да го употреби“, се додава во соопштението.
Израелските одбранбени сили (ИДФ) објавија и видео од нападот врз подземниот бункер.
По атентатот врз Али Хамнеи, комплексот продолжи да го користат високи функционери на иранскиот режим.
Иран сè уште не се огласил, објавува „Гардијан“.
