Познатиот кошаркар Владе Дивац и неговата сопруга Ана, иако со децении се под лупа на јавноста, успеаја да ги заштитат своите деца од прекумерна медиумска експонираност.
И додека често ја гледаме нивната посвоена ќерка Петра, синовите Лука и Матија избираат живот надвор од рефлекторите.
Сепак, роденденот на Матија беше причина овој пат да се направи исклучок.
Славеникот, Матија, седи лево, во едноставна темна маица, а во средината, Ана Дивац блеска во елегантен, лелеав фустан во светло розова боја.
Од десно е легендарниот Владе, во сосема лежерен изглед – во сина поло маица и бермуди, ужива во кафе и во своето најдраго друштво.
– Среќен роденден, душо моја. Те сакаме длабоко и ја чувствуваме твојата љубов и срце – напиша Ана Дивац.
Оваа сцена ги потсети сите следбеници дека, и покрај светската слава и успех, тие се, пред сè, хармонично семејство чие најголемо богатство се споделените моменти и љубовта.
