Западните земји, вклучувајќи ги и САД, со години го обвинуваат Иран дека се обидува да развие нуклеарно оружје.
Ормутскиот теснец има многу поголемо стратешко значење од поседувањето десетици нуклеарни бомби, изјави советникот на иранскиот врховен лидер Моџтаба Хамнеи, Мохсен Резаи, објавија иранските медиуми.
– Овој стратешки премин е поважен од десетици атомски бомби и Исламската Република Иран ќе го заштити – рече Резаи, како што објави иранската новинска агенција ИСНА.
Западните земји, вклучувајќи ги и САД, со години го обвинуваат Иран дека се обидува да развие нуклеарно оружје. Техеран, сепак, ги отфрла тие обвинувања и тврди дека неговата нуклеарна програма е наменета исклучиво за мирни и цивилни цели, потсетува Ал Џезира.
Поранешниот врховен водач ајатолахот Али Хамнеи, кој беше убиен во американско-израелски напад на 28 февруари, издаде верски декрет на почетокот на 2000-тите со кој се забранува развојот на нуклеарно оружје.
Иран – Навигацијата низ теснецот моментално не е можна
Иранските власти претходно денес објавија дека пловидбата низ Ормутскиот теснец во моментов не е можна поради, како што наведоа, „неодамнешните нелегални активности на американските воени сили во регионот“.
Управата за Персискиот Залив и Ормутскиот Теснец објави дека сите барања за премин ќе бидат разгледани во согласност со утврдениот распоред, додека потребните дозволи ќе бидат издадени штом ќе се воспостават стабилни и безбедни услови за пловидба.
