Корина Шумахер, сопругата на Михаел Шумахер, за прв пат отворено проговори за легендата на Формула 1 во новиот документарец „Шумахер ’94: Раѓањето на една легенда“ по неговата ужасна несреќа.
Нов документарец за Михаел Шумахер ја открива болната и срцепарателна вистина за животот на поранешниот шампион во Формула 1. Еден од главните ликови е неговатасопруга, Корина, која со години се бори да ја зачува приватноста на својот сопруг по неговата ужасна несреќа . Во овој документарец, Корина зборува за почетоците на нивнатаврска и семеен живот .
Таа откри дека легендарниот хит на Пола Абдул „Rush Rush“ е нивна песна и дека сè уште „плаче кога ќе ја чуе таа песна во автомобилот “. Исто така, забележа дека нејзината мајка на почетокот не била воодушевена од нејзиниот избор на партнер.
„Мајка ми беше целосно против нашата врска. Михаел секогаш беше на патеката за картинг и постојано ги туркаше другите луѓе. Мајка ми ми велеше: „Види го тој Шумахер! Тие имаат своја патека дома, го исфрлаат секој што ќе направи грешка…“ Таа само постојано велеше: „Шумахер, Шумахер…““, се присети Корина со насмевка.
Таа се потсети и на периодот кога Мајкл постојано добивал писма и подароци од своите обожаватели .
„Тој добиваше секакви работи по пошта, но една млада девојка по име Јута редовно му праќаше долна облека заедно со неговите писма! Во еден момент, неговата омилена изрека во куќата стана: „Ајде, Јута.““
Корина никогаш не криела колку го сака својот сопруг , а тоа го потврди уште еднаш во овој документарец.
„Моето срце беше со него кога победуваше, но и кога губеше. Секогаш бев со него“, рече таа.
