Соединетите Американски Држави (САД) се подготвуваат да започнат нова фаза од операциите поврзани со Венецуела во наредните денови.
Оваа информација ја потврдија четворица американски претставници за Ројтерс. Новата фаза од операцијата доаѓа во време кога администрацијата на Трамп го засилува притисокот врз владата на венецуелскиот претседател Николас Мадуро.
Точниот временски рок или обем на новите операции сè уште не е познат.
Извештаите за претстојна акција се ширеа во последните недели, бидејќи американската војска распореди сили на Карибите поради влошување на односите со Венецуела.
Двајца американски претставници изјавија дека тајните операции веројатно ќе бидат првиот дел од новата акција против Мадуро. Функционерите зборуваа под услов на анонимност поради чувствителноста на претстојната операција.
„Претседателот Трамп е подготвен да го искористи секој елемент на американската моќ за да го спречи влегувањето на дрогата во нашата земја и да ги изведе одговорните пред лицето на правдата“, рекоа официјалните лица.
