Лионел Меси ги постигна сите три гола во победата на Аргентина во Канзас Сити, достигнувајќи вкупно 16 гола на Светското првенство. Тој ја престигна бразилската легенда Роналдо, кој ја заврши кариерата со 15 гола. Тоа беше првиот хет-трик на Меси на светските првенства, во јубилејниот 200-ти настап за аргентинската репрезентација.
Реакцијата на бразилскиот „Феномен“ не се чекаше долго. Во изјава за шпанскиот „Мундо депортиво“, Роналдо без срам го прогласи Меси за најголемиот фудбалер што некогаш играл.
– Секој пат кога Меси ќе излезе на теренот, сè друго станува историја. Време е светот да престане да се крие и да го прифати фактот дека тој е најдобриот играч на сите времиња. Тој продолжува да пружа врвни натпревари секоја сезона, вклучително и на Светското првенство, а сè уште има сомнежи за него. Ова е незаборавна и историска ноќ – рече Роналдо.
Бразилецот, исто така, се осврна на соборувањето на својот рекорд.
Рекордите постојат за да бидат соборени, а лицето кое ги соборило не изненадува ниту еден фудбалски навивач во светот. Во исто време, Аргентина е актуелен шампион на натпреварувањето – додаде поранешниот напаѓач на Барселона и Реал Мадрид.
