Со брза размена на информации преку Центарот SELEC, беше спречен нелегалниот транспорт на оружје од Турција преку Бугарија до Македонија.
Во текот на ноќта, по преземени мерки и активности во координација со Генералниот директорат за борба против организиран криминал на Бугарија и Бугарската царинска агенција, на граничниот премин Капитан Андреево беше извршена проверка на камион „Волво“ со македонски национални регистарски ознаки, при што во товарниот простор беа пронајдени и запленети три пушки, 20 пиштоли и 5.750 патрони.
„По целосното документирање на случајот и идентификацијата на сите лица вклучени во случајот, ќе бидат поднесени соодветни кривични пријави“, соопшти МВР.
