Американскиот претседател Доналд Трамп денес објави дека ќе одговори остро на обидот за напад на Иран врз американските воени позиции на Блискиот Исток, велејќи дека сега е „редот“ на САД.
„Ќе ги удриме многу силно бидејќи е наш ред да ги удриме“, изјави Трамп пред новинарите во Белата куќа, според Си-Ен-Ен.
Трамп изјави дека Иран наводно бара од САД да не го прават тоа и истакна дека секој дојдовен оган кон американските позиции бил соборен.
„Но, тие сепак се обидоа, па сега е наш ред. Ќе видиме дали ќе постигнеме договор во одреден момент, но ќе ги удриме многу силно“, рече американскиот претседател.
NOW – Trump on Iran: "We're going to be hitting them very hard, because it's our turn to hit them." pic.twitter.com/2wWaf4kl8C
— Disclose.tv (@disclosetv) July 29, 2026
Според него, нападот врз американските позиции бил нареден од фракција во иранското раководство различна од онаа со која САД преговараат.
„Тие веќе се извинија, но знаете дека мора малку да ги удриме“, рече Трамп.
САД и Саудиска Арабија извршија напади врз неколку локации на север и југ од Ирак порано денес, по нападите на вооружени групи поддржани од Иран врз американските сили и саудиските нафтени постројки.
