За време на последната емисија „Ѕвезде Гранда“, членот на жирито Драган Којиќ Кеба им се извини на Цеци Ражнатовиќ и нејзината натпреварувачка, а потоа настана хаос.
Кеба објасни дека за време на нејзиниот настап, тој имал разговор со колегите од жирито, поради што ја пропуштил можноста да го притисне копчето на време, по што следела жестока расправија, како и дискусија за хонорарите.
– Што правиш таму? Седни на своето место! Платен си да седиш на своето место, а не да ги забавуваш Бекута и Мили – извика Цеца, на што Ѓуришиќ беше изненадена.
– Платен е? – праша Снежана со чудење.
Цеца одговори дека сите во жирито се платени и дека никој од нив не работи за кикирики.
Малку подоцна, Цеца со својот пример му покажа на Кеба како да го почитува претседателот на жирито и да ја работи работата за која е платен, кога го пофали неговиот кандидат Јовица Ивановиќ.
-За разлика од тебе, јас го слушам твојот кандидат, не зборувам и не доцнам да гласам – остро рече пејачката, на што повторно се придружи Снежана Ѓуришуч со забелешка што го насмеа целото студио.
– Па, Цецо, како кој е платен, така и слуша – рече Снежа низ смеа, алудирајќи на шега на фактот дека Цеца е најмногу платена.
