Жената била префрлена во болница, каде што итно била оперирана.
Жена од романскиот округ Ковасна е тешко повредена во напад од мечка додека одела на училиште со својот син, а детето успеало да се извлече неповредено. Како што објави порталот Диги24, жената е пренесена во болница, каде што е итно оперирана.
Инцидентот се случил во селото Залан, во општина Бодок. Кога ја забележале мечката како им се приближува, момчето истрчало во дворот на соседот , додека неговата мајка се обидела да го влече животното во спротивна насока. Мечката, сепак, се стрчала по неа и ја нападнала.
Жената не била касната, но претрпела длабоки повреди на бутот, колкот и рацете од канџите на мечката. Мештаните кои ги слушнале нејзините повици ѝ притрчале на помош. Животното подоцна избегало и сè уште не е пронајдено, а властите го следат подрачјето и поставиле стапица.
Жената не била касната, но претрпела длабоки повреди на бутот, колкот и рацете од канџите на мечката. Мештаните кои ги слушнале нејзините повици ѝ притрчале на помош. Животното подоцна избегало и сè уште не е пронајдено, а властите го следат подрачјето и поставиле стапица.
Претседателот на општина Бодок, Иштван Фодор, изјави дека ќе ја застрела секоја мечка што ќе се појави во населбата, без оглед на последиците.
Тој ги критикуваше властите во Министерството за заштита на животната средина, наведувајќи дека не ги слушаат предупредувањата на жителите на планинските села и дека мечките сè повеќе доаѓаат во населбите, овоштарниците, полињата со пченка и земјоделското земјиште.
