Мадона повторно привлече големо внимание на социјалните мрежи, овој пат со видео од хотелска соба што го објави по настапот на MTV VMA наградите.
Во видеото, 68-годишната пејачка е на кревет, целосно облечена во црно, додека покрај неа се забавуваат пејачката Чарли Екс-Си-Екс и актерката Џулија Гарнер.
Во позадина се слуша нивната заедничка песна „Danceteria Afterhours“.
Видеото е објавено околу три часот наутро, и брзо привлече големо внимание. Во видеото, Мадона изведува необични движења на креветот, додека Чарли и Гарнер танцуваат пред камерата.
Во еден момент, камерата зумира кон Мадона, која широко ја отвора устата и гледа право во објективот. Потоа се појавува Гарнер, кратко танцувајќи на креветот, додека Чарли се врти кон камерата и покажува среден прст на крајот од снимката.
Видеото собра повеќе од пет милиони лајкови за помалку од 24 часа, а коментарите на корисниците најчесто се однесуваа на необичното однесување на пејачот и атмосферата во хотелската соба.
„Помогнете ѝ“, напиша еден корисник.
Сè следеше по нејзиниот настап
Спотот беше објавен по појавувањето на Мадона на MTV VMA наградите, каде што освои седум награди.
Сепак, за време на примањето на една од наградите, нејзиниот говор привлече посебно внимание. Мадона се пошегува дека не разбира за што служи наградата, по што следеа уште неколку бизарни коментари.
На крајот од говорот, таа им порача на присутните да станат и да танцуваат, со пораката дека „сите се еднакви на подиумот“.
Нејзиното однесување за време на церемонијата, како и видеото од хотелската соба што потоа следуваше, предизвикаа бројни реакции на социјалните мрежи.
