Американскиот претседател Доналд Трамп синоќа изјави дека ѝ дава „целосна поддршка“ на јапонската премиерка Санае Такаичи пред парламентарните избори во Јапонија во недела и додаде дека ќе се сретне со неа на 19 март во Белата куќа.
„Премиерката Такаичи е личност која заслужува силно признание за работата што ја работат таа и нејзината коалиција“, напиша Трамп на својата социјална мрежа Truth Social.
„Затоа, како претседател на Соединетите Американски Држави, ми е чест да ѝ ја понудам на неа и на нејзината високо почитувана коалиција мојата целосна и комплетна поддршка“, додаде Трамп.
Такаичи се подготвува за предвремени избори на кои се очекува да победи.
