Основачот на „Амазон“, Џеф Безос, поднесе барање до регулаторите за планирана продажба на околу 15 милиони акции на компанијата, чија пазарна вредност е приближно 4,1 милијарди долари.
Веста доаѓа само еден ден откако акциите на „Амазон“ достигнаа рекордно високо ниво, благодарение на подобрите од очекуваните квартални резултати што ја зголемија пазарната вредност на компанијата на повеќе од 3 трилиони долари, објави CNBC.
По поднесувањето на барањето, акциите на „Амазон“ паднаа за повеќе од два проценти на почетокот на тргувањето на Волстрит.
Според доставената документација, станува збор за акции што Безос ги стекнал уште во 1994 година, кога го основал Амазон, а зделката била извршена преку инвестициската банка Морган Стенли.
„Амазон“ минатата недела објави квартални резултати што ги надминаа очекувањата на аналитичарите, благодарение првенствено на силниот раст во бизнисот со облачно пресметување и растечката побарувачка за услуги базирани на вештачка интелигенција.
Акциите на компанијата со седиште во Сиетл се зголемија за околу 23 проценти од почетокот на годината. Безос редовно продаваше помали блокови акции преку однапред дефинирани планови во последните години, додека останува еден од најголемите индивидуални акционери на „Амазон“.
Во поднесокот, исто така, се наведува дека тој донирал повеќе од 220.000 акции на Амазон на добротворни организации во мај.
