Познатата 33-годишна раперка Карди Би сподели видео на социјалната мрежа ТикТок во кое покажа пет нови чанти од Шанел, а високите цени повторно привлекоа огромно внимание од јавноста.
Карди Б, која веќе е позната по својата импресивна колекција чанти „Хермес Биркин“, го започна модниот извештај покажувајќи го моделот од јагнешка кожа „Шанел 25 Мини“ од најновата колекција „Метиерс д’Арт 2026“. Оваа чанта со животински дезен и златен ланец чини 8.400 долари.
„Се обидувам да ја добијам и нејзината „сестра“, таа е едноставно премногу добра“, коментираше раперката во својот препознатлив стил.
Потоа таа покажа зелена прошиена чанта – Chanel Small 25 Hobo – која се продава за 10.500 долари на платформи за препродажба како Madison Avenue Couture. Други нови аквизиции вклучуваат прошиена козметичка чанта Superman (3.575 долари), прошиена чанта во боја на бордо со привезок од жирафа (29.000 долари на пазарот за препродажба) и црвени чизми до колена со златни потпетици.
„Мислам дека ќе ги носам кога ќе го спасам светот. Морам да изгледам модерно додека го спасувам Њујорк“, се пошегува Карди, коментирајќи ги чизмите.
Иако најави ново видео за шопинг штом ќе ја напушти земјата, раперката го заврши видеото со неочекувана забелешка.
„Не се лажи. Само затоа што ги гледаш овие работи, не значи дека имам пари. Сето ова е илузија“, рече таа со смеа.
Оваа музичка ѕвезда никогаш не ја криела својата опсесија со луксузни модни додатоци. Уште во 2020 година, таа објави фотографија пред ѕид исполнет со чанти „Биркин“, чија вкупна вредност беше проценета на повеќе од половина милион долари.
Три години подоцна, таа им се пожали на обожавателите дека ѝ снемува простор за нови парчиња, додека кон крајот на минатата година беше фотографирана со исклучително ретка чанта од „Ермес“, дизајнирана од Жан Пол Готје, вредна дури 120.000 долари.
