Наталија Јокиќ, сопругата на еден од најдобрите кошаркари на денешницата, Никола Јокиќ, го привлече вниманието на јавноста поради својот моден избор, кој се проценува на дури 80.000 евра.
Иако е позната по својот дискретен и елегантен стил, Наталија овој пат носеше луксузни модни парчиња од престижни глобални брендови, што ја направи нејзината облека тема на разговор на социјалните мрежи.
Таа присуствуваше на концертот на „Магла бенд“ во Белград, а за оваа пригода избра црна комбинација. Сепак, посебно внимание привлекоа луксузните модни детали кои го надополнија нејзиниот изглед.
Имено, таа носеше часовник „Ролекс“ на зглобот, а својот изглед го надополни со накит од брендовите „Ван Клиф и Арпелс“ и „Картие“, како и класична чанта „Шанел“.
Часовникот „Ролекс“ чини 35.000 евра, додека нараквицата „Ван Клиф и Арпелс“ чини 5.500 евра. Накитот „Картие“ вреди приближно 15.000 и 13.000 евра, додека чантата „Шанел“ се проценува на 11.000 евра. Скапоцената чанта и накитот ја зголемија вкупната вредност на облеката на неверојатни 80.000 евра.
Наталија Јокиќ претходно беше забележана во слични луксузни изданија, честопати избирајќи брендови како Шанел, Картие и Џими Чу, но секогаш во комбинации што балансираат елеганција и минимализам.
