Статусот на Килијан Мбапе во Реал Мадрид е сè уште под сериозно прашање. Секако, ова се должи на повредата на коленото што го мачи Французинот и поради која го пропушти натпреварот од Лигата на шампионите против Бенфика.
Стравот на „Сантијаго Бернабеу“ е уште поголем со оглед на тоа што ќе играат против Манчестер Сити во осминафиналето од Лигата на шампионите.
Во врска со ова, директорот на клубот Емилио Бутрагено изјави дека сè уште не е познато дали Мбапе ќе биде подготвен за дуелите против „Граѓаните“.
„Да се надеваме дека не е ништо сериозно, бидејќи тој е исклучително важен за нас. Во моментов не знаеме дали ќе игра против Сити“, рече Бутрагено.
Мбапе постигна 38 гола во сите натпреварувања за Реал оваа сезона, а неговото отсуство во осминафиналето од Лигата на шампионите би бил огромен хендикеп.
Првите натпревари од осминафиналето ќе се играат на 10 и 11 март, а реваншите се седум дена подоцна.
