Бил Гејтс предупреди дека вештачката интелигенција, доколку дојде во рацете на луѓе со лоши намери и без соодветни механизми за заштита, може да има катастрофални последици.
Во интервју за NBC, Гејтс рече дека вештачката интелигенција е доволно моќна за да предизвика настани со огромен број жртви во екстремен сценарио.
Тој беше особено критичен кон потпирањето исклучиво на саморегулацијата на технолошките компании. Според него, владите и институциите мора да учествуваат во дефинирањето правила, надзор и безбедносни механизми за најмоќните системи на вештачка интелигенција.
Во исто време, тој нагласи дека регулативата не треба да го запре развојот на технологијата. Неговиот аргумент е дека дополнителниот надзор може да им наметне одреден товар на компаниите, но не мора драматично да го забави развојот на вештачката интелигенција.
Зборувајќи за најлошото можно сценарио, Гејтс предупреди дека комбинацијата од моќни алатки за вештачка интелигенција и луѓе со лоши намери претставува особено сериозен ризик, а како крајна последица ја спомена можноста за настани што би можеле да доведат до милијарда смртни случаи.
Гејтс ја отфрли идејата дека едноставен „главен прекинувач“ би бил доволен за контрола на напредните системи со вештачка интелигенција. Наместо тоа, тој верува дека безбедноста мора да се реши преку разбирање на тоа како функционираат системите, континуирано следење и соодветни правила.
Неговите изјави доаѓаат во време кога технолошката индустрија сè повеќе дебатира за тоа како да ги контролира сè поспособните модели на вештачка интелигенција. Во исто време, OpenAI, Anthropic и други компании објавуваат сè повеќе податоци за проблематичното однесување на нивните модели за време на интерното тестирање.
